Kórdrengir tóku á móti Selfossi á Domusnovavellinum í kvöld. Leikurinn endaði með 1-3 sigri Selfyssinga og var Albert Brynjar Ingason, fyrirliði Kórdrengja ekki sáttur eftir leik.

„Ég er með óbragð í munninum. Við spiluðum ekki okkar leik í dag, þetta er ekki eins og við viljum spila okkar leiki. Það vantaði eiginlega allt í okkar leik í dag."

Lestu um leikinn: Kórdrengir 1 -  3 Selfoss

Hrvoje Tokic skoraði fyrsta mark leiksins á 3. mínútu og fannst Alberti þeir missa haus snemma í leiknum.

„Já við töluðum um það fyrir leik að sama hvort við skorum eða fáum á okkur mark að halda áfram á fullu og ekki láta það breyta okkar leikskipulagi en við gerðum það ekki eins og við ætluðum að gera. Við vissum að við gætum fengið á okkur mark og það gerist snemma og við gjörsamlega slökkvum á okkur eftir það."

Albert fór meiddur af velli í síðari hálfleik og er óvíst hvort hann verði með Kórdrengjum gegn Víking Ólafsvík eftir viku.

„Ég finn strax tognun í nára eins og gerist bara. Þetta er eins og að fá hnykk aftan í lærið, ég fann strax strengi og tognaði þar í náranum."

Næsti leikur Kórdrengja er gegn Víkíng Ólafsvík næstkomandi föstudag og vilja Kórdrengir svara fyrir þessa frammistöðu þá.

„Já, það er bara eins gott fyrir okkar að mæta almennilega til leiks þar. Ef maður ætlar að eiga svona skítaleiki er eins gott að læra af þeim og við ætlum að gera það."

Viðtalið í heild sinni má sjá í sjónvarpinu hér að ofan

Tweet

Senda a Facebook Hafdu samband Senda frétt Prenta frétt Frétta leit