Kínverska landsliðskonan Linli Tu skoraði bæði mörk FHL sem vann Augnablik 2-0 í Lengjudeild kvenna í dag.

Tu gerði fyrra markið á 27. mínútu áður en hún bætti við öðru tuttugu mínútum fyrir leikslok.

Hún er því komin með fimm mörk í fyrstu tveimur leikjum deildarinnar og gerði þá einnig tvö mörk í Mjólkurbikarnum á dögunum. Það verður því gríðarlega spennandi að fylgjast með henni í sumar.

FHL er búið að vinna báða leiki sína í deildinni og er þá einnig komið í 16-liða úrslit Mjólkurbikarsins.