Sverrir Páll Hjaltested er genginn í raðir ÍBV í Bestu deildinni en þetta staðfesti félagið í dag.
Hann skrifar undir þriggja ára samning við ÍBV.Sverrir er sóknarmaður sem kemur frá Val en hann var á láni hjá Kórdrengjum í Lengjudeildinni á síðustu leiktíð.
Sverrir er fæddur árið 2000 en árið 2021 lék hann alls 17 leiki fyrir Val í Pepsi Max deild karla. Hann hefur þá einnig spilað með Völsungi og KH.
Í fyrra skoraði Sverrir sex mörk í fjórtán leikjum fyrir Kórdrengi. Kappinn á að baki 66 leiki í meistaraflokki og 18 mörk.
Athugasemdir
