mán 15. febrúar 2021 15:20
Magnús Már Einarsson
Rondon nýr liðsfélagi Arnórs og Harðar
Salomon Rondon
Salomon Rondon
Mynd: Getty Images
CSKA Moskva hefur fengið framherjann Salomon Rondon á láni frá Dalian Pro í Kína.

Íslensku landsliðsmennirnir Arnór Sigurðsson og Hörður Björgvin Magnússon spila með CSKA.

Hinn 31 árs gamli Rondon klárar tímabilið með CSKA en hann verður síðan samningslaus í sumar.

Rondon er frá Venesúela en hann hefur meðal annars leikið með WBA og Newcastle á ferli sínum.

CSKA Moskva er í 2. sæti í rússnesku úrvalsdeildinni, fjórum stigum á eftir Zenit St. Pétursborg. Boltinn byrjar aftur að rúlla í Rússlandi eftir vetrarfrí um þarnæstu helgi.
Athugasemdir
banner
banner
banner