Abdul Bangura, framherji Sindra, verður áfram hjá liðinu næstu tvö tímabil en hann skrifaði undir nýjan samning við félagið í dag.
Bangura kom fyrst til Sindra árið 2019 og hefur síðan þá spilað 72 leiki og skorað 29 mörk.
Hann hefur verið með allra bestu leikmönnum liðsins og átti stóran þátt í því þegar liðið vann 3. deild á síðasta ári. Framherjinn skoraði 11 mörk í 21 leik.
Bangura er fjölhæfur leikmaður sem getur einnig leyst stöðu miðjumanns.
Það er ljóst að hann verður áfram á Höfn en í dag skrifaði hann undir nýjan tveggja ára samning og mun því taka slaginn með liðinu í 2. deildinni í sumar.
Athugasemdir