Henrik Máni framlengir við Stjörnuna

Henrik, sem er fæddur árið 2003, kom við sögu í fimm leikjum með Stjörnunni á síðasta tímabili en auk þess var hann á láni hjá KFG þar sem hann spilaði 10 leiki og gerði 2 mörk í 3. deildinni.

Hann skrifaði í dag undir nýjan samning við Stjörnuna en sá samningur gildir út 2025.

Þá skrifaði Dagur Orri Garðarsson undir sinn fyrsta samning við félagið en hann gildir einnig til 2025.

Dagur Orri er fæddur árið 2005 og hefur komið við sögu í einum leik með liðinu í Lengjubikarnum á undirbúningstímabilinu.