Under og Vardy
Framtíð Cengiz Under hjá Roma er í talsverðri óvissu. Under lék með Leicester á láni á liðinni leiktíð en náði ekki að heilla nægilega marga á Englandi til að eiga framtíð þar. Allavega ekki ef mark á að taka á fréttaflutningi ítalskra miðla.
Fiorentina er sagt hafa áhuga á að fá Tyrkjann frá Roma.
Fiorentina er sagt hafa áhuga á að fá Tyrkjann frá Roma.
Sky á Ítalíu segir frá því að Under vilji reyna sannfæra Jose Mourinho, nýjan stjóra Roma, að hann eigi heima í leikmannahópi Roma.
Fiorentina er sagt hafa áhuga á Under en ef það klikkar þá verður horft til Nico Gonzalez hjá Stuttgart eða Goncalo Guedes hjá Valencia.
Under kom einungis við sögu í níu deildarleikjum með Leicester á liðinni leiktíð. Hann lagði upp sigurmark Jamie Vardy gegn Arsenal en gerði lítið annað. Hann skoraði svo eitt mark í bikarnum og eitt mark í Evrópudeildinni.
Under verður 24 ára í júlí. Hann gekk í raðir Roma frá Istanbul Basaksehir sumarið 2017.
Athugasemdir
