Fyrrum hollenski landsliðsmaðurinn Wesley Sneijder er að íhuga að taka skóna af hillunni og byrja að spila á nýjan leik.

Hinn 36 ára gamli Sneijder á 134 landsleiki að baki fyrir Hollendinga en hann lék meðal annars með Ajax, Real Madrid og Inter á sínum tíma.

Sneijder spilaði síðast með Al-Gharafa í Katar fyrir ári síðan en hann var ekki í sínu besta formi undir lok ferilsins þar.

Sneijder er núna byrjaður að æfa með áhugamannaliði DOS Holland Stichtse Boys til að komast aftur í form og missa nokkur kíló.