Aganefnd KSÍ kom saman í dag en á fundi nefndarinnar voru tveir leikmenn toppliðs Vals í Pepsi Max-deild karla dæmdir í leikbann vegna uppsafnaðra áminninga.
Eru það fyrirliðinn Haukur Páll Sigurðsson og Kristinn Freyr Sigurðsson.
Þeir eru löglegir á fimmtudag þegar Valur heimsækir ÍA en verða í banni á sunnudaginn í útileik gegn Stjörnunni.
Eru það fyrirliðinn Haukur Páll Sigurðsson og Kristinn Freyr Sigurðsson.
Þeir eru löglegir á fimmtudag þegar Valur heimsækir ÍA en verða í banni á sunnudaginn í útileik gegn Stjörnunni.
Miðjumaðurinn Oliver Sigurjónsson verður í leikbanni í næsta leik Breiðabliks eftir að hafa safnað fjórum áminningum.
Arnþór Ingi Kristinsson í KR og Sveinn Margeir Hauksson í KA eru einnig á leiðinni í bann eftir að hafa fengið rauð spjöld um helgina.
Leikbönn í Lengjudeildinni
Fred Saraiva, lykilmaður Fram, fékk rautt spjald í 1-1 jafnteflisleik gegn Vestra en hann hefur verið dæmdur í tveggja leikja bann, hann fékk aukaleik í bann vegna 'ofsalegrar framkomu'.
„Rafael keyrir í Fred þegar Fred er búin að senda boltann frá sér og virðist Fred slá frá sér beint í andlitið á Rafael og Guðgeir virðist hafa séð þetta manna best og gefur Fred beint rautt," sagði í textalýsingu frá leiknum.
Fred verður ekki með í toppslag gegn Keflavík á morgun og missir einnig af leik gegn Grindavík á mánudaginn.
Daníel Finns Matthíasson í Leikni tekur út leikbann gegn Magna á sunnudaginn vegna uppsafnaðra áminninga en getur spilað gegn Grindavík á morgun. Chechu Meneses, Guðmundur Arnar Hjálmarsson og Arkadiusz Jan Grzelak í Leikni Fáskrúðsfirði eru allir á leið í bann vegna uppsafnaðra áminninga. Aganefndin dæmdi einnig Tómas Örn Arnarson í Magna, Pétur Bjarnason og Rafael Navarro í Vestra og Valgeir Árna Svansson í Aftureldingu í bann.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir