Tveir Íslendingar af fjórum komu við sögu í ítölsku B-deildinni í dag en allir voru þeir í tapliðum.
Brescia tapaði í Písa og byrjuðu Hólmbert Aron Friðjónsson og Birkir Bjarnason á bekknum.
Birkir fékk ekki tækifæri en Hólmbert Aron fékk að spila á lokakaflanum. Honum var skipt inn á 80. mínútu en tókst ekki að gera jöfnunarmark.
Lokatölur urðu 1-0 fyrir Pisa. Verðskuldaður sigur en liðin eru hlið við hlið um miðja deild.
Pisa 1 - 0 Brescia
1-0 F. Lisi ('21)
Bjarki Steinn Bjarkason og Óttar Magnús Karlsson voru þá á varamannabekk Venezia sem heimsótti Pordenone í umspilsbaráttunni.
Pordenone stóð uppi sem sigurvegari 2-0 þrátt fyrir mikla yfirburði Venezia í leiknum.
Óttar Magnús var ónotaður varamaður en Bjarki Steinn fékk að spila síðasta korterið.
Venezia er tveimur stigum frá umspilssæti, með 25 stig eftir 18 umferðir.
Pordenone 2 - 0 Venezia
1-0 D. Diaw ('34, víti)
2-0 P. Ciurria ('76)
Athugasemdir