Enski miðjumaðurinn James Ward-Prowse er nú í öðru sæti yfir flest aukaspyrnumark í ensku úrvalsdeildinni eftir þrumufleyginn sem hann skoraði í 3-1 tapi Southampton gegn Wolves í gær.
Southampton var tveimur mörkum undir þegar tæpar sjö mínútur lifðu leiks.
Ward-Prowse stillti upp boltanum af tæplega 30 metra færi og hamraði á markið. Skotið var fast og var snúningurinn mikill, þannig að hann breytti um stefnu á leið sinni í netið.
Þetta var tólfta aukaspyrnu mark Ward-Prowse og er hann nú með næst flest mörk ásamt Thierry Henry og Gianfranco Zola. David Beckham er efstur á listanum með 18 mörk.
Hægt er að sjá aukaspyrnuna hér fyrir neðan en markið kemur á 1:01.
Athugasemdir