Besti dómari ensku úrvalsdeildarinnar er hættur að dæma í deildinni en hann hefur verið ráðinn til starfa í Sádi-Arabíu þar sem hann verður á ofurlaunum.
Clattenburg var valinn besti dómari heims undir lok síðasta árs en hann hefur átt afar farsælan feril með flautuna.
Á síðasta ári dæmdi hann úrslitaleik FA-bikarsins, úrslitaleik Meistaradeildarinnar og úrslitaleik Evrópukeppni landsliða.
Hann heimsótti Laugardalsvöll í undankeppni HM og dæmdi sigurleikinn gegn Tyrklandi í október.
Í yfirlýsingu frá dómarasambandi Englands er Clattenburg þakkað fyrir hans störf og sagt að sambandið sýni ákvörðun hans skilning.
Clattenburg mun verða yfirmaður dómaramála í Sádi-Arabíu samkvæmt frétt Guardian. Hans síðasti leikur í ensku úrvalsdeildinni var viðureign Arsenal og Hull um liðna helgi.
Sagt er að hann hafi verið ósáttur við lítinn stuðning sem dómarar fengu frá dómarasambandinu.
Athugasemdir