Arbeloa: Mourinho er númer eitt!

Spænskir fjölmiðlar fullyrða að Mourinho verði næsti þjálfari Madrídinga, en hann mun gera tveggja ára samning við félagið.

Arbeloa tók við Real Madrid til bráðabirgða í byrjun árs eftir að Xabi Alonso var rekinn.

Andrúmsloftið í búningsklefanum undir stjórn Arbeloa hefur verið hræðilegt og var löngu vitað að hann myndi ekki á starfið til frambúðar.

Spánverjinn styður ráðninguna á Mourinho, sem hann segir vera besta þjálfara heims.

„Ég skil ekki þessar umræður um að það sé ekki hægt að stjórna ástandinu sem ríkir í búningsklefanum. Ég er ekki sammála því. Real Madrid mun taka ákvörðun um þjálfara næsta tímabils þegar forráðamenn félagsins telja það tímabært.“

„Sem leikmaður og stuðningsmaður Real Madrid þá er Mourinho númer eitt. Það var mín skoðun fyrir mánuði og er ég enn fastur á því. Hann verður alltaf einn af okkur og yrði ég ótrúlega ánægður að sjá hann snúa aftur heim á næsta tímabili,“ sagði Arbeloa.