Koeman gómaður við að borða sitt eigið hor

Hann var á hliðarlínunni er Hollendingar lögðu Pólverja að velli í fyrstu umferð mótsins í dag og náðist það á myndband þegar hann fékk sér smá snarl á meðan leikurinn var í gangi.

Koeman var ekki með nesti í vasanum eða í poka, heldur geymdi hann það í nefinu á sér og notaði svo bolinn sinn til að þurrka leifarnar.

Hollendingar hafa gert óspart grín að landsliðsþjálfaranum sínum eftir að myndbandið komst í dreifingu og vona þeir að þessi hegðun kalli á lukku.

Joachim Löw, fyrrum landsliðsþjálfari Þjóðverja, náðist á myndband þegar hann borðaði sitt eigið hor á HM 2010 í Suður-Afríku. Þjóðverjar enduðu í þriðja sæti á því móti en unnu svo næsta HM sem var haldið í Brasilíu, þar sem Löw náðist aftur á myndband þegar hann boraði í nefið á sér. Í það skiptið borðaði hann þó ekki horið sitt, heldur klíndi hann því í höndina á Cristiano Ronaldo með handabandi eftir að Þjóðverjar gjörsigruðu Portúgali 4-0.

Á næsta stórmóti, EM 2016, náðist Löw svo á myndband þegar hann þefaði af höndunum sínum eftir að hafa þreifað vel um pungsvæðið sitt og rassinn. Þjóðverjar duttu út í undanúrslitum það skiptið.

Koeman has a mid-game snack
byu/No-Statistician-8520 insoccer