Líkt og áður kom fram sauð algerlega upp úr eftir 3-3 jafntefli FH gegn Vals í Pepsi-deildinni í kvöld.
Nánast kom til handalögmála á milli Jóns Rúnars Halldórssonar og Edvards Barkar Edvardssonar, formanna FH og Vals, og þurfti að ganga á milli þeirra.
Þegar blaðamenn mættu niður að velli til að taka viðtöl voru Jón Rúnar og Lúðvík Arnarson, varaformaður FH, algerlega brjálaðir og hraunuðu yfir Börk við blaðamennina.
Benedikt Bóas Hinriksson, blaðamaður hjá Morgunblaðinu, tók upp hegðun þeirra og ræddi við þá. Bæði Lúðvík og Jón Rúnar fullyrtu að Börkur hirði sjálfur peninga þegar hann selur leikmenn frá Val og stingi í eigin vasa.
Þetta fullyrtu þeir báðir margoft og sögðust vita þetta fyrir víst. Hvöttu þeir blaðamenn til að vinna frétt um málið og sagði Jón Rúnar meðal annars: „Ræðið við umboðsmenn!“
Samskipti formanna FH við blaðamenn má sjá á síðu Morgunblaðsins, með því að smella hér.
Athugasemdir