3. deild: Kári valtaði yfir Víði

Kári og Víðir áttust við í fyrsta leik lokaumferðarinnar í 3. deildinni í kvöld. Tímabilinu lýkur á morgun þar sem restin af leikjunum hefst kl 14.

Kári kláraði leikinn strax í fyrri hálfleik þar sem liðið var 3-0 yfir en Fylkir Jóhannsson bætti fjórða markinu við undir lok leiksins.

Kári fór því með 4-0 sigur af hólmi og komst nær Víði í töflunni. Víðir endaði í 4. sæti með 35 stig en Kári í 5. sæti með 34 stig.

Víðir fór illa að ráði sínu undir lok tímabilsins þar sem liðið tapaði síðustu fjórum leikjunum.