Bjarni Sigurðsson, formaður knattspyrnudeildar Þórs, er hér ásamt leikmönnunum fjórum
Penninn er á lofti á Akureyri en Þór framlengdi samninga við fjóra unga leikmenn félagsins í gær.
Auðunn Ingi Valtýsson, Bjarni Guðjón Brynjólfsson, Hermann Helgi Rúnarsson og Birgir Ómar Hlynsson framlengdu allir samninga sína við félagið.
Auðunn er 19 ára gamall markvörður sem á að baki fjóra leiki í deild- og bikar með Þór.
Bjarni Guðjón er 17 ára gamall og þrátt fyrir ungan aldur hefur hann spilað 21 leik í deild- og bikar og gert fimm mörk. Öll fimm mörkin komu í sumar í Lengjudeildinni.
Hermann Helgi er 21 árs gamall og er reyndastur af þessum fjórum en hann á 61 leik að baki. Hann á þá þrjá leiki fyrir U16 ára landslið Íslands.
Birgir Ómar er tvítugur og hefur spilað 21 leik og gert eitt mark fyrir félagið.
Athugasemdir
