Byrjunarlið ÍBV og FH: Tveir ungir Eyjamenn byrja sinn fyrsta leik

Emil Gautason byrjar hjá ÍBV.

Mynd: Fótbolti.net - Hafliði Breiðfjörð

Adolf Daði skráður á meðal varamanna.

Mynd: Fótbolti.net - Hafliði Breiðfjörð

Guðmundur Andri kemur inn í lið FH.

Mynd: Fótbolti.net - Hafliði Breiðfjörð

Sowe kemur inn í lið ÍBV.

Mynd: Fótbolti.net - Hafliði Breiðfjörð

Emil Gautason byrjar hjá ÍBV.

Mynd: Fótbolti.net - Hafliði Breiðfjörð

Klukkan 17:00 hefst 26. umferðin í Bestu deildinni þegar ÍBV tekur á móti FH. ÍBV er í botnsæti deildarinnar og getur ekki haldið sæti sínu í deildinni þegar sex stig eru eftir í pottinum. FH er í 9. sæti og er allt nema tölfræðinni frá því að vera með öruggt sæti í deildinni, sex stig eru niður í Þór og FH er með miklu betri markatölu.

Tveir leikmenn ÍBV taka út leikbann í dag en það eru þeir Milan Tomic og Eiður Atli Rúnarsson. Adolf Daði Birgisson er ekki með FH þar sem hann komst ekki í Herjólf í morgun eins og lesa má um hér að neðan.

Leikurinn átti að fara fram á morgun en honum var flýtt vegna veðurs.

TENGT EFNI16.10.26 - 13:04

Svekktur Adolf Daði missir af leiknum - „Hefði bara sleppt þessu prófi hefði ég vitað þetta fyrr"

Lestu um leikinn: ÍBV 0 - 0 FH

Aleksandar Linta, þjálfari ÍBV, gerir fjórar breytingar frá tapinu gegn Þór í síðustu umferð. Emil Gautason sem fæddur er 2010 byrjar sinn fyrsta leik í Bestu deildinni og Heiðmar Þór Magnússon sem fæddur er 2008 gerir slíkt hið sama. Heiðmar er yngri bróðir Sigurðar Arnars sem sömuleiðis er í byrjunarliðinu. Omar Sowe kemur líka inn í byrjunarliðið. Milan Tomic tekur út leikbann, Aron Lucas Vokes er ekki með og Róbert Elís Hlynsson tekur sér sæti á bekknum.

Jóhannes Karl Guðjónsson, þjálfari FH, gerir eina breytingu frá sigrinum gegn Val í síðustu umferð. Guðmundur Andri Tryggvason kemur inn fyrir Adolf Daða sem skráður er á meðal varamanna.

Byrjunarlið ÍBV