Níu dagar eru í það að Pepsi Max-deild karla hefjist með opunarleik deildarinnar á Origo-vellinum þegar Valur og Víkingur R. eigast við.
Útlitið á heimavelli KA, Akureyrarvelli var nú ekki fallegt fyrir nokkrum dögum en allt lítur þetta betur út núna ef marka má mynd af Akureyrarvellinum sem tekin var í dag.
Útlitið á heimavelli KA, Akureyrarvelli var nú ekki fallegt fyrir nokkrum dögum en allt lítur þetta betur út núna ef marka má mynd af Akureyrarvellinum sem tekin var í dag.
KA leikur á útivelli gegn ÍA í 1. umferðinni en þeir eiga hinsvegar heimaleik í 2. umferðinni þegar Íslandsmeistararnir síðustu tveggja ára í Val koma í heimsókn.
Sá leikur fer fram sunnudaginn 5. maí. Vangaveltur voru upp um það að félögin myndu skipta heimaleikjunum og því gæti leikurinn farið fram á gervigrasvelli Valsmanna.
Það verður hinsvegar tíminn að leiða í ljós en miðað við ástandið á Akureyrarvelli í dag og ef veðurguðirnir verða í góðu skapi gæti allt eins farið svo að KA leiki á heimavelli í 2. umferðinni gegn Val.
Athugasemdir