Van Persie ráðinn stjóri Heerenveen (Staðfest)

Robin van Persie hefur verið ráðinn nýr stjóri hollenska úrvalsdeildarliðsins Heerenveen og skrifaði undir tveggja ára samning við félagið.

Þessi fyrrum sóknarmaður Manchester United og Arsenal hefur verið að starfa við þjálfun ungra leikmanna Feyenoord.

„Þjálfarastarfið er yfirgripsmikið og krefjandi og ég stunda það af mikilli ástríðu og ánægju,“ segir Van Persie.

„Mig langar að halda áfram að þroskast og þróast í starfinu og þetta starf passar fullkomlega við það markmið.Heerenveen er mjög gott félag með ríka hefð og dygga stuðningsmenn. Það er frábær áskorun að geta lagt sitt af mörkum."