Carlos er 26 ára miðvörður frá Brasilíu sem er búinn að sinna lykilhlutverki í hjarta varnarinnar hjá Nantes síðustu þrjú ár. Hjá Sevilla mun hann berjast við menn á borð við Simon Kjær, Daniel Carrico og Sergi Gomez um byrjunarliðssæti.

Carlos er dýrasti leikmaður sem Nantes hefur selt, í ljósi þess að Cardiff ætlar ekki að greiða fyrir Emiliano Sala sem lést í flugslysi í þann mund sem hann var að ljúka við félagaskiptin.

Cardiff hefði greitt metfé fyrir Sala en hann lést á leiðinni frá Frakklandi til Englands. Cardiff reyndi að skrá Sala til leiks í ensku úrvalsdeildinni en umsókninni hafnað vegna samningsatriða.

Nýr samningur var tilbúinn og átti Sala aðeins eftir að undirrita hann. Nantes vill fá peninginn en Cardiff harðneitar að borga.