HM um helgina - Hver verður heimsmeistari?

Á morgun verður leikið um bronsverðlaun heimsmeistaramótsins þegar England og Frakkland eigast við á Hard Rock-leikvanginum í Miami. Leikurinn hefst klukkan 21:00.

Frakkar fengu silfur á síðasta heimsmeistaramóti og urðu heimsmeistarar þar á undan. Englendingar hafa hins vegar ekki unnið til verðlauna á HM síðan þeir urðu heimsmeistarar á heimavelli árið 1966.

England hefur tvisvar áður leikið um bronsverðlaunin og tapað í bæði skiptin, en Frakkar hafa tvisvar tryggt sér bronsið.

Á sunnudag tekur síðan við leikurinn sem allir bíða eftir, sjálfur úrslitaleikurinn.

Lionel Messi og félagar eiga þar möguleika á að verja heimsmeistaratitilinn, en Spánverjar freista þess að verða heimsmeistarar í annað sinn. Þeir unnu mótið síðast árið 2010 með lið stútfullt af gæðum.

Átta ár eru liðin síðan þjóðirnar mættust síðast. Spánverjar fóru þá létt með Argentínumenn og unnu 6-1.

Þjóðirnar hafa aðeins einu sinni áður mæst á heimsmeistaramóti. Það var árið 1966 þegar Argentína vann 2-1 sigur.

Nú er spurningin hvort ný kynslóð Spánverja hafi það sem til þarf til að stöðva Argentínu og lyfta bikarnum, eða hvort Messi kveðji sitt síðasta heimsmeistaramót með gull um hálsinn.

Leikir helgarinnar:

Laugardagur:
21:00 Frakkland - England

Sunnudagur:
19:00 Spánn - Argentína