Fotbolti.net
17.08.20 - 21:16
Brynjar Ingi Erluson

David Silva til Real Sociedad (Staðfest)

David Silva er farinn til Sociedad

David Silva er farinn til Sociedad

Canon

Mynd: Getty Images

Spænska félagið Real Sociedad hefur gengið frá samningum við spænska sóknartengiliðinn David Silva en hann semur til 2022. Þetta kemur fram í tilkynningu frá spænsku deildinni í kvöld.
Þessi 34 ára gamli leikmaður rann út á samning hjá Manchester City á dögunum en hann hafði spilað með félaginu í áratug. Hann var afar mikilvægur hluti af uppbyggingu félagsins sem er í dag í fremstu röð á Englandi.

Silva hefur undanfarnar vikur verið í viðræðum við ítalska félagið Lazio og var gert ráðið fyrir því að hann væri á leið þangað og eru þessar fréttir því afar óvæntar. Ciro Immobile, framherji Lazio, greindi meðal annars frá því á dögunum að hann væri spenntur fyrir því að spila með Silva.

Hann er genginn í raðir Real Sociedad. Hann var búinn að komast að samkomulagi við Lazio um að gera þriggja ára samning og átti hann aðeins eftir að fara í læknisskoðun.

Sociedad kom inn í myndina á síðustu stundu og stal honum frá Lazio en Sociedad missti Martin Ödegaard aftur til Real Madrid á dögunum og var því þörf á að fá inn sóknartengilið.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.