Rangers vann sigur á Celtic í risaslagnum í skoska boltanum. Liðin mættust á Celtic Park í dag.

Rangers vann einnig í síðasta deildarleik liðanna og hefur því unnið tvo leiki í röð í fyrsta sinn í lengri tíma.

Connor Goldson skoraði bæði mörk gestanna í dag. Það vekur athygli að Celtic náði ekki skoti á mark gestanna.

Rangers er á toppi deildarinnnar með fjögurra stiga forskot á Celtic sem á leik til góða. Neil Lennon er stjóri Celtic og Steven Gerrard er stjóri Rangers.