Afturelding styrkir sig fyrir komandi átök í Lengjudeild kvenna en Ragna Guðrún Guðmundsdóttir er komin til félagsins frá Val.
Ragna er fædd árið 2002 og er komin aftur á kunnuglegar slóðir en þetta er í þriðja sinn sem hún gengur til liðs við Aftureldingu.
Hún var á láni frá Val árið 2019 og á síðasta tímabili en hefur nú gert tveggja ára samning við Aftureldingu.
Ragna er miðjumaður að upplagi og á 26 leiki og 4 mörk að baki í deild- og bikar með Aftureldingu.
Hún á þá 12 leiki og 1 mark fyrir U16 og U17 ára landslið Íslands.
Afturelding hefur verið að grípa marga leikmenn frá Val síðustu daga en Katrín Rut Kvaran og Anna Hedda Björnsdóttir gengu til liðs við félagið auk þess sem Eva Ýr Helgadóttir framlengdi samning sinn við Aftureldingu.
Athugasemdir