Leeds United var ekki í neinum vandræðum með Cardiff í endurteknum leik í enska bikarnum í kvöld. Liðin skildu jöfn 2-2 í Wales.
Cardiff sá hins vegar aldrei til sólar í kvöld. Wilfried Gnoto skoraði fyrsta mark leiksins á fyrstu mínútu leiksins með stórkostlegu skoti.
Þegar um 10 mínútur voru eftir af venjulegum leiktíma í fyrri hálfleik tvöfaldaði Rodrigo forystuna og aðeins tveimur mínútum síðar bætti Gnoto við öðru marki sínu og þriðja marki Leeds.
Patrick Bamford kom inn á í síðari hálfleik og bætti tveimur mörkum við áður en leiknum lauk. Callum Robinson klóraði í bakkann fyrir Cardiff með tveimur mörkum undir lok leiksins.
Þetta var fyrsti leikur Bamford í tæpa þrjá mánuði en hann hefur verið að berjast mikið við meiðsli á þessari leiktíð.
Leeds mætir annað hvort Boreham Wood eða Accrington sem mætast í endurteknum leik þann 24. janúar.