Bayern fór örugglega áfram í Meistaradeild Evrópu í gær en liðið vann Lazio á heimavelli með tveimur mörkum gegn einu.
Fyrri leik liðanna lauk með 1-4 sigri Bayern í Róm og því var einvígið svo gott sem búið fyrir leikinn í kvöld.
Hansi Flick hefur gert magnaða hluti með þetta Bayern lið síðan hann tók við. Með sigrinum í gær bætti hann met og þá bætti Bayern liðið einnig met.
Flick er nú fyrsti þjálfarinn í sögu Meistaradeildar Evrópu sem vinnur alla fyrstu sjö leiki sína í útsláttarkeppni Meistaradeildarinnar. Magnaðar tölur.
Bayern liðið hins vegar hefur nú komist í 8-liða úrslit Meistaradeildarinnar 19 sinnum. Ekkert lið hefur komist jafn oft á þetta stig keppninar í sögunni.
Athugasemdir