Steve Bruce, stjóri Newcastle, vill halda Joe Willock hjá félaginu á næstu leiktíð eftir flotta frammistöðu síðan í janúar.
Willock var lánaður til Newcastle frá Arsenal og er lykilmaður undir Bruce á St. James' Park.
Willock er 21 árs gamall og tryggði Newcastle mikilvægan 3-2 sigur á West Ham á laugardaginn.
Arsenal gæti viljað fá Willock aftur í sumar en hann náði þó ekki að festa sig í sessi á miðju liðsins.
„Við myndum elska það að halda honum hér. Hann er leikmaður sem þú vilt byggja upp lið í kringum," sagði Bruce.
„Hvort það sé möguleiki fyrir okkur eða ekki veit ég ekki."
Athugasemdir