| þri 18.apr 2023 19:05 Mynd: Hrefna Morthens |
|
Spá Fótbolta.net fyrir Bestu kvenna: 8. sæti
Sérfræðingar Fótbolta.net spá því að Keflavík muni enda í áttunda Bestu deildar kvenna í sumar. Álitsgjafar spá í deildina en þeir röðuðu liðunum upp í röð og það lið sem er í efsta sæti fær tíu stig, annað sæti níu og svo koll af kolli niður í tíunda sæti sem gefur eitt stig. Keflavík endaði í áttunda sæti Bestu deildarinnar í fyrra og mun gera það aftur í ár ef spáin rætist.
Spáin:
1. ?
2. ?
3. ?
4. ?
5. ?
6. ?
7. ?
8. Keflavík, 22 stig
9. Tindastóll, 20 stig
10. FH, 18 stig
Um liðið: Keflavík kom aftur upp í Bestu deildina sumarið og hefur náð að halda sér uppi undanfarin tvö tímabil. Keflvíkingar hafa eignað sér áttunda sætið en núna hlýtur liðið að fara að stefna hærra en það. Það er kominn nýr þjálfari í brúnna og leikmannahópurinn hefur breyst ágætlega. Liðinu er spáð fallbaráttu en metnaðurinn hlýtur að vera meiri en það.
Keflavík fagnar marki á síðustu leiktíð.
Þjálfarinn - Jonathan Glenn: Hefur verið lengi á Íslandi en hann kom hingað fyrst til lands fyrir tæpum tíu árum sem leikmaður. Hann byrjaði að þjálfa fyrir nokkrum árum og í fyrra tók hann að sér sitt fyrsta starf í meistaraflokki. Hann gerði fína hluti með ÍBV og endaði liðið í sjötta sæti undir hans stjórn. Hann fékk þó að taka pokann sinn eftir tímabil í Eyjum og tók við Keflavík. Glenn er spennandi þjálfari og það verður athyglisvert að fylgjast með honum í Keflavík. Hann fékk Guðrúnu Jónu Kristjánsdóttur sér til aðstoðar og það er sterkt.
Glenn hér til vinstri.
Fótbolti.net fær sérfræðingana Anítu Lísu Svansdóttur og Óskar Smára Haraldsson, sem þjálfa Fram saman, til að rýna í styrkleika, veikleika og margt annað hjá liðunum sem spila í Bestu deild kvenna í sumar. Aníta Lísa fer yfir það helsta hjá liði Keflavíkur.
Aníta Lísa og Óskar.
Styrkleikar: Eru með þéttan og góðan kjarna í heimastelpum og eru eitt af baráttumestu liðum deildarinnar. Mæta alltaf með mikinn kraft í leiki og spila fast. Þjálfarateymið er hrikalega gott og verður klárlega einn af þeirra helstu styrkleikum í sumar. Glenn með sínu skipulagi og reynslan í Guðrúnu Jónu getur komið þeim ansi langt.
Veikleikar: Eins mikið og nýtt þjálfarateymi er styrkleiki fyrir liðið þá getur það líka verið veikleiki. Keflavík var með Gunnar Magnús Jónsson í brúnni í heil sjö tímabil og því stór spurning hvernig liðið bregst við nýjum áherslum og þeim breytingum sem fylgja með nýjum þjálfara. Voru með einn besta markmann deildarinnar í fyrra í Samönthu og það virðist vera eins og nýr markmaður nái ekki alveg að fylla í það skarð. Mjög vont ef svo er en vonum það besta.
Samantha Leshnak Murphy fór til Svíþjóðar.
Spurningarnar: Nær nýtt þjálfarateymi að framkalla baráttuna og Keflavíkurhjartað sem hefur einkennt liðið síðustu ár? Verða þær með jafn öflugan markmann og í fyrra? Mun Linli Tu raða inn mörkum í Bestu deildinni?
Þrír lykilmenn: Caroline Slambrouck er mikilvægur hlekkur í vörninni hjá þeim. Fljótur leikmaður, með góða löpp og góðan leikskilning. Kristrún Ýr Holm, fyrirliði liðsins, er einn af máttarstólpunum. Er með mikla reynslu og rífur þær áfram á baráttunni og Keflavíkurhjartanu. Linli Tu er sóknarmaður sem var stórkostleg í Lengjudeildinni í fyrra. Verður gaman að fylgjast með henni í deild þeirra bestu og ef hún er í stuði þá mun hún hjálpa Keflavíkur liðinu rosalega mikið.
Kristrún Ýr Holm, fyrirliði Keflavíkur.
Leikmaður sem á að fylgjast með: Elfa Karen Magnúsdóttir er ungur og efnilegur leikmaður fædd 2005 sem verður gaman að fylgjast með í sumar. Er kröftugur og fljótur leikmaður með fína boltatækni. Hefur verið að fá hlutverk í undirbúningsleikjunum og verið að skora.
Úr leik hjá Keflavík á undirbúningstímabilinu.
Völlurinn: HS Orku völlurinn. Einn af fimm grasvöllum í deildinni. Keflvíkingar þurfa að fá stuðningsmenn með sér og búa til stemningu en þá gæti myndast sterkt vígi þarna. Heimavöllurinn skilaði Keflavík aðeins sex stigum í fyrra og hann verður að gefa meira í ár.
Frá HS Orku vellinum.
Komnar
Eva Lind Daníelsdóttir frá Grindavík
Linli Tu frá Fjarðabyggð/Hetti/Leikni
Madison Wolfbauer frá ÍBV
Sandra Voitane frá ÍBV
Vera Varis frá Finnlandi
Ástrós Lind Þórðardóttir frá ÍR (var á láni)
Þórhildur Ólafsdóttir frá ÍBV
Mikaela Nótt Pétursdóttir frá Breiðabliki (á láni)
Júlía Ruth Thasaphong frá Grindavík
Farnar
Ana Paula Santos Silva til Finnlands
Samantha Leshnak Murphy til Piteå
Jóhanna Lind Stefánsdóttir í Víking
Elín Helena Karlsdóttir í Breiðablik (var á láni)
Snædís María Jörundsdóttir í Stjörnuna (var á láni)
Linli Tu er mætt á svæðið.
Dómur Anítu fyrir gluggann: Þær missa frekar stóra pósta úr liðinu frá því á síðasta tímabili. Voru með einn besta markmann deildarinnar og svo var Ana Santos þeirra markahæsti leikmaður og hvorug þeirra verður með í ár. Á móti kemur þá eru sterkir leikmenn komnir inn og nafn eins og Linli Tu, sem var eftirsótt af flest öllum liðum á landinu sem og er erlendis, gera þennan glugga bara ansi fínan fyrir Keflavík. Ég gef þessu 7 í einkunn og hef trú á að nýju leikmennirnir muni standa sig vel.
Líklegt byrjunarlið:
Leikmannalisti:
1. Vera Varis (m)
2. Madison Elise Wolfbauer
3. Gyða Dröfn Davíðsdóttir
4. Caroline Van Slambrouck
6. Mikaela Nótt Pétursdóttir
7. Elfa Karen Magnúsdóttir
8. Anita Bergrán Eyjólfsdóttir
9. Linli Tu
10. Dröfn Einarsdóttir
11. Kristrún Ýr Holm
12. Anna Arnarsdóttir (m)
13. Sandra Voitane
14. Alma Rós Magnúsdóttir
15. Arndís Snjólaug Ingvarsdóttir
17. Júlía Ruth Thasaphong
18. Kristrún Blöndal
19. Þórhildur Ólafsdóttir
21. María Rán Ágústsdóttir
22. Sigurrós Eir Guðmundsdóttir
23. Watan Amal Fidudóttir
24. Anita Lind Daníelsdóttir
25. Gunnhildur Hjörleifsdóttir
26. Amelía Rún Fjeldsted
Fyrstu fimm leikir Keflavíkur:
25. apríl, Tindastóll - Keflavík (Sauðárkróksvöllur)
1. maí, Þór/KA - Keflavík (Greifavöllurinn)
9. maí, Keflavík - Breiðablik (HS Orku völlurinn)
16. maí, FH - Keflavík (Kaplakrikavöllur)
23. maí, Keflavík - Selfoss (HS Orku völlurinn)
Í besta falli og versta falli að mati Anítu: Ef allt gengur upp þá getur Keflavík komið okkur á óvart og náð í 5. eða 6. sætið. Þetta mót virðist ætla vera opið að því leyti að það er erfitt að spá í hvað gerist um miðja deild. Svo getur allt klikkað og þá er alveg möguleiki á því að Keflavík endi hreinlega í 10. sæti.
Spámennirnir: Alexandra Bía Sumarliðadóttir, Guðmundur Aðalsteinn Ásgeirsson, Helga Katrín Jónsdóttir, Hulda Mýrdal Gunnarsdóttir, Lilja Dögg Valþórsdóttir, Mist Rúnarsdóttir, Orri Rafn Sigurðarson, Sigríður Dröfn Auðunsdóttir, Sverrir Örn Einarsson, Sæbjörn Þór Þórbergsson Steinke.
1. ?
2. ?
3. ?
4. ?
5. ?
6. ?
7. ?
8. Keflavík, 22 stig
9. Tindastóll, 20 stig
10. FH, 18 stig
Um liðið: Keflavík kom aftur upp í Bestu deildina sumarið og hefur náð að halda sér uppi undanfarin tvö tímabil. Keflvíkingar hafa eignað sér áttunda sætið en núna hlýtur liðið að fara að stefna hærra en það. Það er kominn nýr þjálfari í brúnna og leikmannahópurinn hefur breyst ágætlega. Liðinu er spáð fallbaráttu en metnaðurinn hlýtur að vera meiri en það.
Keflavík fagnar marki á síðustu leiktíð.
Þjálfarinn - Jonathan Glenn: Hefur verið lengi á Íslandi en hann kom hingað fyrst til lands fyrir tæpum tíu árum sem leikmaður. Hann byrjaði að þjálfa fyrir nokkrum árum og í fyrra tók hann að sér sitt fyrsta starf í meistaraflokki. Hann gerði fína hluti með ÍBV og endaði liðið í sjötta sæti undir hans stjórn. Hann fékk þó að taka pokann sinn eftir tímabil í Eyjum og tók við Keflavík. Glenn er spennandi þjálfari og það verður athyglisvert að fylgjast með honum í Keflavík. Hann fékk Guðrúnu Jónu Kristjánsdóttur sér til aðstoðar og það er sterkt.
Glenn hér til vinstri.
Fótbolti.net fær sérfræðingana Anítu Lísu Svansdóttur og Óskar Smára Haraldsson, sem þjálfa Fram saman, til að rýna í styrkleika, veikleika og margt annað hjá liðunum sem spila í Bestu deild kvenna í sumar. Aníta Lísa fer yfir það helsta hjá liði Keflavíkur.
Aníta Lísa og Óskar.
Styrkleikar: Eru með þéttan og góðan kjarna í heimastelpum og eru eitt af baráttumestu liðum deildarinnar. Mæta alltaf með mikinn kraft í leiki og spila fast. Þjálfarateymið er hrikalega gott og verður klárlega einn af þeirra helstu styrkleikum í sumar. Glenn með sínu skipulagi og reynslan í Guðrúnu Jónu getur komið þeim ansi langt.
„Eru eitt af baráttumestu liðum deildarinnar."
Veikleikar: Eins mikið og nýtt þjálfarateymi er styrkleiki fyrir liðið þá getur það líka verið veikleiki. Keflavík var með Gunnar Magnús Jónsson í brúnni í heil sjö tímabil og því stór spurning hvernig liðið bregst við nýjum áherslum og þeim breytingum sem fylgja með nýjum þjálfara. Voru með einn besta markmann deildarinnar í fyrra í Samönthu og það virðist vera eins og nýr markmaður nái ekki alveg að fylla í það skarð. Mjög vont ef svo er en vonum það besta.
Samantha Leshnak Murphy fór til Svíþjóðar.
Spurningarnar: Nær nýtt þjálfarateymi að framkalla baráttuna og Keflavíkurhjartað sem hefur einkennt liðið síðustu ár? Verða þær með jafn öflugan markmann og í fyrra? Mun Linli Tu raða inn mörkum í Bestu deildinni?
Þrír lykilmenn: Caroline Slambrouck er mikilvægur hlekkur í vörninni hjá þeim. Fljótur leikmaður, með góða löpp og góðan leikskilning. Kristrún Ýr Holm, fyrirliði liðsins, er einn af máttarstólpunum. Er með mikla reynslu og rífur þær áfram á baráttunni og Keflavíkurhjartanu. Linli Tu er sóknarmaður sem var stórkostleg í Lengjudeildinni í fyrra. Verður gaman að fylgjast með henni í deild þeirra bestu og ef hún er í stuði þá mun hún hjálpa Keflavíkur liðinu rosalega mikið.
„Rífur þær áfram á baráttunni og Keflavíkurhjartanu."
Kristrún Ýr Holm, fyrirliði Keflavíkur.
Leikmaður sem á að fylgjast með: Elfa Karen Magnúsdóttir er ungur og efnilegur leikmaður fædd 2005 sem verður gaman að fylgjast með í sumar. Er kröftugur og fljótur leikmaður með fína boltatækni. Hefur verið að fá hlutverk í undirbúningsleikjunum og verið að skora.
Úr leik hjá Keflavík á undirbúningstímabilinu.
Völlurinn: HS Orku völlurinn. Einn af fimm grasvöllum í deildinni. Keflvíkingar þurfa að fá stuðningsmenn með sér og búa til stemningu en þá gæti myndast sterkt vígi þarna. Heimavöllurinn skilaði Keflavík aðeins sex stigum í fyrra og hann verður að gefa meira í ár.
Frá HS Orku vellinum.
Komnar
Eva Lind Daníelsdóttir frá Grindavík
Linli Tu frá Fjarðabyggð/Hetti/Leikni
Madison Wolfbauer frá ÍBV
Sandra Voitane frá ÍBV
Vera Varis frá Finnlandi
Ástrós Lind Þórðardóttir frá ÍR (var á láni)
Þórhildur Ólafsdóttir frá ÍBV
Mikaela Nótt Pétursdóttir frá Breiðabliki (á láni)
Júlía Ruth Thasaphong frá Grindavík
Farnar
Ana Paula Santos Silva til Finnlands
Samantha Leshnak Murphy til Piteå
Jóhanna Lind Stefánsdóttir í Víking
Elín Helena Karlsdóttir í Breiðablik (var á láni)
Snædís María Jörundsdóttir í Stjörnuna (var á láni)
Linli Tu er mætt á svæðið.
Dómur Anítu fyrir gluggann: Þær missa frekar stóra pósta úr liðinu frá því á síðasta tímabili. Voru með einn besta markmann deildarinnar og svo var Ana Santos þeirra markahæsti leikmaður og hvorug þeirra verður með í ár. Á móti kemur þá eru sterkir leikmenn komnir inn og nafn eins og Linli Tu, sem var eftirsótt af flest öllum liðum á landinu sem og er erlendis, gera þennan glugga bara ansi fínan fyrir Keflavík. Ég gef þessu 7 í einkunn og hef trú á að nýju leikmennirnir muni standa sig vel.
Líklegt byrjunarlið:
Leikmannalisti:
1. Vera Varis (m)
2. Madison Elise Wolfbauer
3. Gyða Dröfn Davíðsdóttir
4. Caroline Van Slambrouck
6. Mikaela Nótt Pétursdóttir
7. Elfa Karen Magnúsdóttir
8. Anita Bergrán Eyjólfsdóttir
9. Linli Tu
10. Dröfn Einarsdóttir
11. Kristrún Ýr Holm
12. Anna Arnarsdóttir (m)
13. Sandra Voitane
14. Alma Rós Magnúsdóttir
15. Arndís Snjólaug Ingvarsdóttir
17. Júlía Ruth Thasaphong
18. Kristrún Blöndal
19. Þórhildur Ólafsdóttir
21. María Rán Ágústsdóttir
22. Sigurrós Eir Guðmundsdóttir
23. Watan Amal Fidudóttir
24. Anita Lind Daníelsdóttir
25. Gunnhildur Hjörleifsdóttir
26. Amelía Rún Fjeldsted
Fyrstu fimm leikir Keflavíkur:
25. apríl, Tindastóll - Keflavík (Sauðárkróksvöllur)
1. maí, Þór/KA - Keflavík (Greifavöllurinn)
9. maí, Keflavík - Breiðablik (HS Orku völlurinn)
16. maí, FH - Keflavík (Kaplakrikavöllur)
23. maí, Keflavík - Selfoss (HS Orku völlurinn)
Í besta falli og versta falli að mati Anítu: Ef allt gengur upp þá getur Keflavík komið okkur á óvart og náð í 5. eða 6. sætið. Þetta mót virðist ætla vera opið að því leyti að það er erfitt að spá í hvað gerist um miðja deild. Svo getur allt klikkað og þá er alveg möguleiki á því að Keflavík endi hreinlega í 10. sæti.
Spámennirnir: Alexandra Bía Sumarliðadóttir, Guðmundur Aðalsteinn Ásgeirsson, Helga Katrín Jónsdóttir, Hulda Mýrdal Gunnarsdóttir, Lilja Dögg Valþórsdóttir, Mist Rúnarsdóttir, Orri Rafn Sigurðarson, Sigríður Dröfn Auðunsdóttir, Sverrir Örn Einarsson, Sæbjörn Þór Þórbergsson Steinke.
Athugasemdir
