Fotbolti.net
18.06.17 - 23:45
Guðmundur Aðalsteinn Ásgeirsson
Ítalska deildin

Hjólaði 1300 kílómetra eftir að liðið hélt sér uppi

Nicola með hjólið.

Nicola með hjólið.

Canon

Mynd: Getty Images

Davide Nicola, þjálfari Crotone í Seríu A, fer sínar eigin leiðir.

Hann gerði samkomulag við leikmenn sína í apríl að hann myndi hjóla langa vegalengd ef liðið myndi halda sér uppi.

Crotone var á leiðinni niður þegar samkomulagið var gert, en á ótrúlegan hátt tókst því að bjarga sér.
Hinn 44 ára gamli Nicola mætti í heimabæ sinn Vigone, nálægt Tórínó, í dag, níu dögum eftir að hafa lagt af stað frá Crotone, en hann hjólaði 1300 kílómetra á þessum níu dögum.

„Er ég þreyttur? Ég finn ekki einn fyrir neinum sársauka,\" sagði hann eftir að hafa klárað leiðina.

„Þetta hefur verið falleg ferð, ævintýri. Kannski verð ég eitthvað þreyttur frá og með morgundeginum, en það sem skiptir mig mestu máli núna er að ég náði markimiði mínu.\"

Fyrir þremur árum lést 14 ára gamall sonur Nicola í hjólreiðarslysi.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.