ÍA fær Ísak Mána frá Ólafsvík (Staðfest)

Ísak Máni Guðjónsson er genginn í raðir ÍA og hefur skrifað undir samning við félagið sem gildir út leiktíðina 2025.

Ísak er fæddur 2005 og er lýst á samfélagsmiðlum ÍA sem gríðarlega efnilegum miðjumanni sem er sterkur varnar- og sóknarlega, kröftugur og með mikla boltatækni.

Ísak er þrátt fyrir ungan aldur kominn með 43 meistaraflokksleiki með Víkingi Ólafsvík og hefur skorað í þeim fimm mörk. Á liðnu tímabili lék hann tólf leiki í 2. deildinni og þrjá bikarleiki.

ÍA vann Lengjudeildina á liðnu tímabili og leikur í Bestu deildinni á næsta tímabili.