Þessi 30 ára gamli leikmaður hefur verið án félags síðan í sumar er samningur hans við Brescia rann út.

Hann byrjaði ágætlega hjá Brescia en var þó ítrekað að koma sér í vandræði undir lokin og hætti að mæta á æfingar eða gerði sér upp veikindi.

Samkvæmt Sun er Balotelli í viðræðum við enska B-deildarfélagið Barnsley en það kemur afar mikið á óvart og er þetta félag í aðstæðum sem Balotelli er óvanur.

Barnsley er í fallbaráttusvæði í B-deildinni en hann er þó sagður afar áhugasamur að snúa aftur til Englands eftir að hafa spilað með bæði Liverpool og Manchester City.