Arsenal 4 - 1 Crystal Palace
1-0 Gabriel Martinelli ('28 )
2-0 Bukayo Saka ('43 )
3-0 Granit Xhaka ('55 )
3-1 Jeffrey Schlupp ('63 )
4-1 Bukayo Saka ('74 )
Arsenal og Crystal Palace áttust við í ensku úrvalsdeildinni í dag og átti toppliðið ekki í neinum vandræðum með gestina. Crystal Palace hefur nú spilað þrettán leiki á þessu ári og ekki unnið einn einasta.
Gestirnir byrjuðu þó ágætlega og sóttu aðeins. Wilfried Zaha var óheppinn að skora ekki en skot hans hafnaði í stönginni. Arsenal vann sig inn í leikinn og tók hægt og rólega yfir.
Gabriel Martinelli kom Skyttunum yfir á 28. mínútu með föstu skoti í fjærhornið. Hann fékk fyrirgjöf frá Bukayo Saka og fór hann auðveldlega framhjá varnarmanni Palace áður en hann skoraði. Saka tvöfaldaði forystuna með marki rétt fyrir leikhlé en hann setti þá boltann þægilega í fjærhornið af stuttu færi.
Granit Xhaka kom Arsenal í þriggja marka forystu með marki á 55. mínútu en Jeffrey Schlupp náði að klóra í bakkann fyrir gestina með marki í kjölfar hornspyrnu. Sumir vildu meina að hann hafi handleikið knöttinn í aðdragandanum en ekkert var dæmt.
Zaha fékk gott færi til að gera leik úr þessu stuttu síðar en skotið hans fór framhjá fjærstönginni. Stuttu síðar fór Arsenal í sókn og þar fékk Saka sendingu frá Kieran Tierney sem hann kláraði vel.
Góður og auðveldur sigur staðreynd hjá Arsenal sem svaraði vel eftir að hafa dottið úr keppni í Evrópudeildinni á fimmtudeginum síðasta. Liðið er nú með átta stiga forskot á toppi deildarinnar en Manchester City á einn leik til góða.
Crystal Palace er þremur stigum frá fallsæti.
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 31 | 21 | 7 | 3 | 61 | 22 | +39 | 70 |
| 2 | Man City | 30 | 18 | 7 | 5 | 60 | 28 | +32 | 61 |
| 3 | Man Utd | 31 | 15 | 10 | 6 | 56 | 43 | +13 | 55 |
| 4 | Aston Villa | 31 | 16 | 6 | 9 | 42 | 37 | +5 | 54 |
| 5 | Liverpool | 31 | 14 | 7 | 10 | 50 | 42 | +8 | 49 |
| 6 | Chelsea | 31 | 13 | 9 | 9 | 53 | 38 | +15 | 48 |
| 7 | Brentford | 31 | 13 | 7 | 11 | 46 | 42 | +4 | 46 |
| 8 | Everton | 31 | 13 | 7 | 11 | 37 | 35 | +2 | 46 |
| 9 | Fulham | 31 | 13 | 5 | 13 | 43 | 44 | -1 | 44 |
| 10 | Brighton | 31 | 11 | 10 | 10 | 41 | 37 | +4 | 43 |
| 11 | Sunderland | 31 | 11 | 10 | 10 | 32 | 36 | -4 | 43 |
| 12 | Newcastle | 31 | 12 | 6 | 13 | 44 | 45 | -1 | 42 |
| 13 | Bournemouth | 31 | 9 | 15 | 7 | 46 | 48 | -2 | 42 |
| 14 | Crystal Palace | 30 | 10 | 9 | 11 | 33 | 35 | -2 | 39 |
| 15 | Leeds | 31 | 7 | 12 | 12 | 37 | 48 | -11 | 33 |
| 16 | Nott. Forest | 31 | 8 | 8 | 15 | 31 | 43 | -12 | 32 |
| 17 | Tottenham | 31 | 7 | 9 | 15 | 40 | 50 | -10 | 30 |
| 18 | West Ham | 31 | 7 | 8 | 16 | 36 | 57 | -21 | 29 |
| 19 | Burnley | 31 | 4 | 8 | 19 | 33 | 61 | -28 | 20 |
| 20 | Wolves | 31 | 3 | 8 | 20 | 24 | 54 | -30 | 17 |
