Rob Edwards hafnaði Burnley

43 ára Edwards er án starfs eftir að hafa verið rekinn frá Wolves í byrjun sumars, en hann féll með liðið úr úrvalsdeildinni á síðustu leiktíð.

Edwards, sem hefur meðal annars þjálfað Middlesbrough, Luton og Watford á ferlinum, vill ekki taka við Burnley eftir að hafa rætt við stjórnendur félagsins í gær.

Burnley hefur einnig áhuga á Carlos Corberán sem er án félags, en Sky telur litlar líkur á að þær viðræður muni bera árangur.

Hayen var rekinn eftir 4-1 tap gegn Lincoln City um helgina og er Burnley í fallsæti í Championship deildinni, með 8 stig eftir 12 umferðir.

Steven Gerrard, Craig Bellamy og Robbie Keane hafa verið nefndir til sögunnar sem mögulegir arftakar hjá Burnley.