Ólafur Aron Pétursson kom inn á sem varamaður og átti frábæran leik þegar KA vann 2-0 sigur gegn Stjörnunni á útivelli í Pepsi Max-deildinni í dag.
Lestu um leikinn: Stjarnan 0 - 2 KA
Ólafur Aron kom KA-mönnum 1-0 yfir og átti heilt yfir mjög góða innkomu.
„Þetta var mjög skemmtilegt. Þetta er erfiður útivöllur og gott að ná í þrjú stig," sagði Ólafur Aron við Fótbolta.net leikinn.
Ólafur Aron var á láni hjá Magna síðasta sumar. Hann var að spila sinn fyrsta leik í sumar.
„Ég var mjög sterkur fyrir áramót en svo fæ ég einkirningasótt og veikist. Ég núllstilltist við það. Ég er allur að koma til. Það er alltaf gaman að spila fótbolta og það er ekkert verra þegar það er með uppeldisklúbbnum."
Viðtalið er í heild sinni hér að ofan.
