Það fór einn leikur fram í 2. deild kvenna í dag þar sem Völsungur heimsótti Sindra og úr varð algjör markasúpa.

Það var aðeins eitt lið á vellinum þar sem Húsvíkingar gerðu sér lítið fyrir og skoruðu tíu mörk í stórsigri.

Halla Bríet Kristjánsdóttir, Krista Eik Harðardóttir og Berta María Björnsdóttir skoruðu sitthvora þrennuna í sigrinum og skoraði Hildur Anna Brynjarsdóttir eitt mark til að vera með í partýinu.

Völsungur er með sex stig eftir tvær umferðir en Sindri situr eftir með þrjú stig.