mán 19. september 2022 10:30
Guðmundur Aðalsteinn Ásgeirsson
Áslaug Munda með bæði mörkin - Skoraði með þrumuskoti
Áslaug Munda Gunnlaugsdóttir.
Áslaug Munda Gunnlaugsdóttir.
Mynd: Fótbolti.net - Hafliði Breiðfjörð
Landsliðskonan Áslaug Munda Gunnlaugsdóttir var á skotskónum með Harvard-háskólanum um helgina.

Hún gerði tvö mörk, bæði mörk Harvard í jafntefli gegn TCU í háskólaboltanum í Bandaríkjunum.

Hún er núna búin að gera þrjú mörk á nýju tímabili í háskólaboltanum. Lið Harvard er enn taplaust og hefur verið að leika mjög vel til þessa.

Hér fyrir neðan má sjá stórglæsilegt mark sem íslenska landsliðskonan gerði í leiknum.

Áslaug Munda er á sínu öðru ári í Harvard sem er einn virtasti háskóli í öllum heiminum.

Gera má ráð fyrir því að hún verði í landsliðshópnum fyrir leikinn gegn annað hvort Belgíu eða Portúgal í umspili HM í næsta mánuði.


Athugasemdir
banner
banner
banner