Bói aðstoðar Harald hjá Keflavík (Staðfest)

Bói er 41 árs gamall og er uppalinn Keflvíkingur en lék einnig með FH, Víði og Njarðvík á sínum leikmannaferli. Hann lék 467 leiki á sínum ferli og skoraði 67 mörk.

Hann hefur þjálfað hjá Víði og Njarðvík en hann hætti í þjálfarateymi KA eftir tímabilið í ár og er nú mættur aftur heim.

„Þetta leggst gríðarlega vel í mig. Ég er mjög spenntur að koma aftur til Keflavíkur og takast á við komandi tímabil," sagði Bói við undirskriftina.

Keflavík leikur í Lengjudeildinni næsta sumar eftir að hafa fallið úr Bestu deildinni í sumar.