Robertson ekki meira með á árinu? - Gakpo byrjaður að æfa
Mynd: Getty Images
Mynd: Getty Images
Það eru góðar og slæmar fréttir úr herbúðum Liverpool en hollenski framherjinn Cody Gakpo var mættur á sína fyrstu æfingu í dag eftir að hafa farið meiddur af velli í tapi gegn Tottenham í síðasta mánuði.
Gakpo skoraði mark Liverpool í leiknum undir lok fyrri hálfleiks í 2-1 tapi en hann hafði verið sjóðandi heitur fyrir framan markið í undanförnum leikjum áður en hann meiddist.
Hann skoraði fimm mörk í sex leikjum, þrjú fyrir Liverpool og tvö fyrir hollenska landsliðið.
Liverpool fær Everton í heimsókn í grannaslag á laugardaginn og gæti Gakpo verið klár í slaginn. Andy Robertson er hins vegar fjarverandi eftir að hafa farið úr axlarlið í 2-0 tapi Skotlands gegn Spáni á dögunum.
Mirror greinir frá því að hann gæti verið frá í sex vikur en ef hann þarf á aðgerð að halda gæti hann verið fjarverandi út árið.
