Kalvin Phillips, sem hefur verið fastamaður í hópnum hjá Southgate, hefur verið að spila afar illa með West Ham og hefur gert lítið til að verðskulda sæti í hópnum.

Því er landsliðsþjálfarinn núna að fylgjast vel með Kobbie Mainoo hjá Manchester United, James Garner hjá Everton og Harrison Reed hjá Fulham. Enginn þeirra hefur enn spilað A-landsleik.

James Ward-Prowse hjá West Ham er einnig leikmaður sem verið er að fylgjast vel með en það eru um tvö ár síðan hann spilaði síðast landsleik.

Evrópumótið er næsta sumar og verður afar fróðlegt að sjá hvernig landsliðshópur Englands verður á því móti.