West Ham blandar sér í baráttu um Soule - City hefur áhuga á Donnarumma - PSG vill leikmenn Man Utd
   mið 20. mars 2024 20:04
Ívan Guðjón Baldursson
Lengjubikarinn: ÍA í úrslit eftir vítaspyrnukeppni á Hlíðarenda
Gylfi Þór Sigurðsson í leiknum í kvöld.
Gylfi Þór Sigurðsson í leiknum í kvöld.
Mynd: Fótbolti.net - Hafliði Breiðfjörð
Valur 1 - 1 ÍA
0-1 Albert Hafsteinsson ('12)
1-1 Tryggvi Hrafn Haraldsson ('40)
4-5 í vítaspyrnukeppni

Lestu um leikinn: Valur 5 -  6 ÍA

ÍA er komið í úrslitaleik Lengjubikarsins eftir að hafa lagt Val að velli eftir vítaspyrnukeppni á Hlíðarenda.

Albert Hafsteinsson kom Skagamönnum yfir í fyrri hálfleik eftir góða sendingu frá Arnleifi Hjörleifssyni og héldu Skagamenn forystunni í tæpan hálftíma.

Það var nokkuð jafnt á vellinum þar sem Skagamenn fengu þó besta færið til að tvöfalda forystuna, en boltinn rataði ekki í netið fyrr en á 40. mínútu. Tryggvi Hrafn Haraldsson jafnaði þá eftir sendingu frá Jónatani Inga Jónssyni og var staðan 1-1 í leikhlé.

Gylfi Þór Sigurðsson kom við sögu í síðari hálfleik og átti marktilraun en hún var ekki nógu góð. Hvorugu liði tókst að skora og því var gripið til vítaspyrnukeppni.

Adam Ægir Pálsson tók fyrstu spyrnuna og brenndi af, en það skoruðu allir aðrir úr sínum spyrnum og því stóðu Skagamenn uppi sem sigurvegarar.

ÍA mætir því Breiðabliki í úrslitaleik Lengjubikarsins miðvikudagskvöldið 27. mars.
Athugasemdir
banner
banner
banner