Gulli lék allan leikinn í sigri - Aron Jó á bekknum

Guðlaugur Victor Pálsson lék allan leikinn þegar Darmstadt vann 1-3 útisigur á Wurzburger Kickers í þýsku B-deildinni.

Gulli var samkvæmt Flashscore djúpur á miðju í leiknum. Darmstadt komst yfir með marki úr vítaspyrnu í uppbótartíma fyrri hálfleiks en heimamenn jöfnuðu á 63. mínútu. Darmstadt komst aftur yfir á 79. mínútu og sigurinn var svo innsiglaður á þriðju mínútu uppbótartíma með þriðja markinu.

Darmstadt er í 10. sæti deildarinnar með 39 stig eftir 30 leiki. Markatala liðsins er á núlli, fimmtíu mörk skoruð og fimmtíu fengin á sig.