Þýskaland: Sanngjörn niðurstaða í Bæjaralandi

Eintracht Frankfurt missteig sig í Meistaradeildarbaráttu sinni er það gerði markalaust jafntefli við Augsburg í 30. umferð deildarinnar í dag.

Frankfurt var kastað úr Evrópudeildinni á dögunum og því smá ryð í liðinu í leiknum í dag. Augsburg átti betri færi í fyrri hálfleiknum, en Frankfurt náði aðeins að lagfæra leik sinn í síðari.

Það lifnaði yfir leiknum á lokakaflanum. Mergim Berisha var óheppinn að skora ekki er hann skaut laglegu skoti í fjærhornið, en boltinn hafnaði í stöng og á hinum endanum bjargaði Cedric Zesiger á línu.

Kevin Trapp, markvörður Frankfurt, þurfti að taka á stóra sínum undir lok leiks. Leikur sem gat dottið báðum megin, en markalaust jafntefli niðurstaðan.

Frankfurt er í 3. sæti með 52 stig, þremur stigum á undan RB Leipzig og fjórum á undan Freiburg sem er í Evrópudeildarsæti, en Augsburg í 10. sæti með 43 stig.