Mónakó hefur rekið knattspyrnustjórann Roberto Moreno úr starfi. Moreno var tjáð um tíðindin á laugardag og sendi félagið frá sér tilkynningu þess efnis í gær.
Moreno tók við Mónakó í desember síðastliðnum af Portúgalanum Leonardo Jardim.
Moreno gerði frábæra hluti við stjórn spænska landsliðsins eftir að Luis Enrique hvarf frá starfinu vegna veikinda dóttir sinnar. Dóttir Enrique lést í ágúst á síðasta ári. Enrique tók aftur við landsliðsþjálfarastarfinu seint á síðasta ári og hætti Moreno þá hjá spænska knattspyrnusambandinu.
Mónakó var í sjöunda sæti frönsku úrvalsdeildarinnar þegar Moreno tók við og í níunda sæti þegar keppni í deildinni var aflýst í mars vegna kórónuveirunnar. Moreno stýrði síðasta Mónakó í mars.
Líklegt þykir að Króatinn Niko Kovac, sem var rekinn frá Bayern München í nóvember síðastliðnum, taki við liðinu.
Athugasemdir