Breiðablik tók á móti ÍBV í 11. umferð Pepsi-Max deildar kvenna. Þar unnu Blikar öruggan 7-2 sigur. Heiðdís Lillýardóttir setti tvö mörk í leiknum og var ánægð að leik loknum:
Lestu um leikinn: Breiðablik 7 - 2 ÍBV
"Mjög góð tilfinning. Mér fannst við vera með yfirhöndina allan tímann. Við fengum klaufaleg mörk á okkur, víti og aukaspyrna. Það var alveg svekkjandi en gott að klára þetta. Þetta var klaufalegt í vítinu og við eigum bara að klára þegar við erum að dekka í aukaspyrnum."
"Við ætluðum bara að keyra á þær, hápressa og svara fyrir tapið síðast. Ætluðum ekki að endurtaka þann leik. Við fórum vel yfir liðið og reyndum að peppa okkur niður í klefa."
Heiðdís skoraði tvennu í leiknum en það gerist ekki á hverjum degi.
"Ég hef ekki skorað tvennu síðan ég var í Hetti á Egilsstöðum. Mjög góð tilfinning."
Viðtalið við Heiðdísi má sjá í heild sinni í spilaranum hér að ofan.
Athugasemdir