Albert var í byrjunarliði Genoa og þá byrjaði Bjarki Steinn BJarkason hjá Venezia.

Albert skoraði annað mark Genoa á 43. mínútu leiksins en þetta var fyrsti leikur Genoa á undirbúningstímabilinu.

Mikael Egill Ellertsson kom inn af bekknum hjá Venezia í síðari hálfleik. Þegar tólf mínútur voru eftir minnkaði hann muninn fyrir Venezia eftir stoðsendingu Bjarka.

Lokatölur 3-1 fyrir Genoa sem mætir Mantova næst á meðan Venezia spilar við Vis Pesaro.

Elías Már Ómarsson skoraði eina mark NAC Breda í 1-1 jafntefli gegn Excelsior. Elías að skora annan æfingaleikinn í röð og er sá heldur betur að verða klár fyrir hollensku úrvalsdeildina.

Valgeir byrjaði í jafntefli

Valgeir Lunddal Friðriksson lék allan leikinn með Häcken sem gerði 2-2 jafntefli við Värnamo í sænsku úrvalsdeildinni.

Häcken er í fimmta sæti með 24 stig.

Þorri Mar Þórisson kom inn af bekknum á 69. mínútu er Öster vann Sundsvall, 2-0, í sænsku B-deildinni. Öster er í öðru sæti með 29 stig.

Róbert Orri Þorkelsson var í vörn Kongsvinger sem tapaði fyrir Moss, 1-0, í norsku B-deildinni. Eyþór Martin Björgólfsson kom inn af bekknum hjá Moss í leiknum.

Moss er í öðru sæti með 29 stig en Kongsvinger í 5. sæti með 25 stig.

Óskar Borgþórsson var þá í byrjunarliði Sogndal sem tapaði 3-0 fyrir Ranheim. Sogndal er í 7. sæti með 23 stig.