sun 20. september 2020 21:38
Guðmundur Aðalsteinn Ásgeirsson
Klopp lét varamennina heyra það: Við gerum aldrei svona
Jurgen Klopp.
Jurgen Klopp.
Mynd: Getty Images
Jurgen Klopp, stjóri Liverpool, er harður húsbóndi þegar hann þarf að vera það.

Liverpool vann 2-0 sigur á Chelsea í stórleik helgarinnar í ensku úrvalsdeildinni í dag.

Leikurinn breyttist undir lok fyrri hálfleiks þegar Andreas Christensen, varnarmaður Chelsea, fékk að líta rauða spjaldið fyrir brot á Sadio Mane.

Varamenn Liverpool sem sátu upp í stúku klöppuðu og fögnuðu þegar rauða spjaldið fór á loft. Klopp var ekki sáttur með það.

„Klopp snýr sér við á hliðarlínunni og öskrar: 'Eruð þið vitlausir? Við gerum aldrei nokkurn tímann svona, allt í lagi?'" skrifaði franski fjölmiðlamaðurinn Julien Laurens á Twitter.


Athugasemdir
banner
banner
banner