Ünder kemur að láni frá Roma og er Leicester talið borga 3 milljónir evra fyrir lánið, með kaupmöguleika sem hljóðar uppá 24 milljónir til viðbótar.

Ünder er annar leikmaðurinn sem gengur í raðir Leicester eftir belgíska bakverðinum Timothy Castagne sem skoraði í sínum fyrsta leik.

Tyrkinn er 23 ára gamall og skoraði 17 mörk í 88 leikjum fyrir Roma. Hann hefur gert 6 mörk í 21 landsleik fyrir Tyrkland og er með afar öflugan vinstri fót.

Ünder spilar yfirleitt á hægri kanti en getur einnig spilað frammi og vinstra megin. Hann er mjög skapandi og er meira í að gefa stoðsendingar heldur en að skora mörkin sjálfur.