Hinn 33 ára gamli Guðmann spilaði fjórtán leiki með FH í Pepsi Max-deildinni á nýliðnu tímabili.

„Við FH-ingar þekkjum Guðmann vel enda hefur hann spilað hátt í 80 leiki fyrir FH í deild og bikar. Guðmann átti frábært tímabil í ár og er því mikill fengur að hafa tryggt sér krafta hans áfram," segir á Facebook síðu FH.

„Við FH-ingar óskum Guðmanni innilega til hamingju með nýjan samning og hlökkum til að fylgjast með honum loka vörninni á komandi tímabili."

Guðmann er uppalinn hjá Breiðabliki en hann lék með FH frá 2012 til 2015 áður en hann fór í KA. Eftir þrjú ár á Akureyri sneri hann aftur í FH fyrir sumarið 2019.