Barcelona og Man City vilja Olmo - Liverpool gæti reynt við Kudus - Chelsea og Barcelona hafa áhuga á Dybala
   mið 21. febrúar 2024 08:30
Brynjar Ingi Erluson
Alisson nær ekki landsleikjunum - Frá út mars?
Alisson Becker
Alisson Becker
Mynd: Getty Images
Alisson Becker, markvörður Liverpool og brasilíska landsliðsins, verður ekki orðinn leikfær fyrir landsliðsverkefni Brasiilíu í lok mars en þetta staðfesti Dorival Junior, þjálfari landsliðsins, við TNT.

Brasilíumaðurinn var ekki með Liverpool í 4-1 sigrinum á Brentford og staðfesti Jürgen Klopp, stjóri enska félagsins, við fjölmiðla að hann yrði ekki með gegn Chelsea í úrslitaleik enska deildabikarsins næstu helgi.

Meiðslin eru líklega töluvert alvarlegri en haldið var í fyrstu.

Dorival Junior, þjálfari Brasilíu, staðfesti við TNT að hann gæti ekki valið Alisson í landsleikina gegn Englendingum og Spánverjum í mars, en þeir eru báðir spilaðir í lok mánaðarins.

Það má því gera ráð fyrir því að Alisson verði ekki orðinn leikfær með Liverpool fyrr en í kringum eða eftir páska.

Þetta eru hræðilegar fréttir fyrir Liverpool sem er sem stendur á toppnum í ensku úrvalsdeildinni. Liðið mætir erkifjendum sínum í Manchester City á Anfield þann 10. mars og mun Klopp þurfa að treysta á írska markvörðinn Caoimhin Kelleher.
Athugasemdir
banner